Anders­son fær stjórnarmyndunarumboðið

Þingkosningar í Svíþjóð fóru fram um síðustu helgi þar sem ríkisstjórnarflokkarnir lutu í lægra haldi fyrir stjórnarandstöðuflokkunum. Þar fékk flokkur Andersson flest atkvæði, 28 prósent. Þar á eftir var flokkur Ulf Kristersson, Moderante, sem fékk 19,8 prósent atkvæða.

Í kjölfarið sagði Kristersson af sér embætti forsætisráðherra. Eftir að forseti þingsins fundaði með öllum formönnum í dag, fyrir utan Kristersson, tilkynnti hann að Andersson fengi umboðið. Hún sagðist ætla að ræða við sex flokksleiðtoga samkvæmt SVT.

„Mitt innlegg í þá vinnu sem nú fer fram er að allir stjórnmálaflokkar þurfa nú að leggja flokkspólitík til hliðar og setja Svíþjóð og sænsku þjóðina í fyrsta sæti,“ skrifar Andersson í færslu á Instagram.

Það er ekki talið verða einfalt fyrir Andersson að mynda ríkisstjórn en leiðtogi Miðflokksins hefur útilokað samstarf með bæði Vinstriflokknum og Svíþjóðardemókrötum.