Átti Yamal skilið að vera maður leiksins?

Spánn var mun betri aðilinn í 3-0 sigri gegn Austurríki í 32-liða úrslitum heimsmeistaramótsins í fótbolta. Margir leikmenn Spánar áttu flottan leik en einhverjir velta fyrir sér hvers vegna Yamal var valinn maður leiksins.

Mikel Oyarzabal, liðsfélagi Orra Steins Óskarssonar hjá Real Sociedad, skoraði tvö frábær mörk í leik gærkvöldsins. Sömuleiðis átti Marc Cucurella frábæran leik þar sem hann gaf tvær stoðsendingar í leiknum. Cucurella skoraði einnig mark sem var dæmt af vegna brots á Alexander Schlager í marki Austurríkis.

Spurningar vakna um hvað þeim sem velja mann leiksins finnst mikilvægt í fari leikmanna. Samkvæmt þessu er hvorki lögð áhersla á að skora mörk né leggja þau upp.