Neymar missir af öðrum HM-leik hjá Brössum

Brasilíska knattspyrnusambandið greinir frá því að Neymar verði um kyrrt í New Jersey, þar sem Brasilía hefur bækistöðvar sínar meðan á mótinu stendur.

Fótboltastjarnan glímir enn við kálfameiðsli. Á þriðjudaginn æfði Neymar í fyrsta sinn á grasi eftir meiðslin, en ekki af fullum krafti með restinni af liðinu. Hann bíður því enn eftir sínum fyrstu mínútum á HM.

Þessi 34 ára leikmaður hefur ekki spilað eina einustu mínútu fyrir brasilíska landsliðið í næstum þrjú ár, en hann hefur gegnt lykilhlutverki í þátttöku Brasilíu á síðustu þremur heimsmeistaramótum.

Hann er jafnframt markahæsti leikmaður brasilíska landsliðsins frá upphafi með 79 mörk í 128 leikjum.