Michael Oliver getur ekki dæmt fyrsta leikinn sinn á HM

Oliver átti að dæma leik Fílabeinsstrandarinnar og Ekvador í E-riðli þann 14. júní í Fíladelfíu, en franski dómarinn Francois Letexier mun koma í hans stað.

FIFA sagði á föstudag að Oliver myndi missa af sínum fyrsta leik á heimsmeistaramótinu en búist væri við að hann yrði aftur tiltækur á næstu dögum þar sem meiðslin væru minniháttar.

Oliver er einn af sex enskum dómurum á heimsmeistaramótinu í sumar ásamt Anthony Taylor. Gary Beswick, Adam Nunn, Stuart Burt og James Mainwaring eru meðal aðstoðardómara. Alls eru 52 dómarar, 88 aðstoðardómarar og 30 myndbandsdómarar á heimsmeistaramótinu.

Hinn 41 árs gamli Oliver hefur dæmt í ensku úrvalsdeildinni síðan 2010 og dæmdi einnig á síðasta heimsmeistaramóti, þar á meðal átta liða úrslitaleik Króatíu og Brasilíu.

Frakkinn Francois Letexier er fjórum árum yngri og dæmdi á dögunum úrslitaleik SC Freiburg og Aston Villa í Evrópudeildinni. Hann dæmdi líka undanúrslitaleik Chelsea og Fluminense í heimsmeistarakeppni félagsliða fyrir ári.