Æfingatækjum stolið af enska lands­liðinu

Enska knattspyrnusambandið er að reyna að átta sig á því hverju var stolið. Boltar og skór eru hluti af því sem var stolið en þeir voru geymdir í bíl þangað til enska liðið mætir á æfingasvæðið í Kansas þar sem liðið gistir milli leikja.

Þjálfunartækin áttu að vera til staðar í Kansas tilbúin fyrir liðið en lögreglan í Kansas er búin að vera að rannsaka hvað gerðist. Lögreglan hefur handtekið tvo einstaklinga tengda þjófnaðinum en rannsókn málsins er enn í gangi.

Fyrsta æfing liðsins á að vera á sunnudaginn en það gæti verið að þjófnaðurinn muni raska æfingunum til. Fyrsti leikur Englands á heimsmeistaramótinu er gegn Króatíu á miðvikudaginn.