Strand Larsen skoraði tvö þegar Norð­menn unnu Svía þægi­lega

Heimamenn voru mun sterkari í fyrri hálfleik og lögðu grunninn að sigrinum snemma leiks. Jørgen Strand Larsen kom Norðmönnum yfir á 9. mínútu þegar hann skallaði fyrirgjöf frá Julian Ryerson í netið. Antonio Nusa tvöfaldaði forystuna á 18. mínútu eftir undirbúning frá Sander Berge áður en Strand Larsen skoraði sitt annað mark og þriðja mark Noregs á 37. mínútu. Allt í einu var staðan 3-0.

Svíar gerðu sjö breytingar í hálfleik. Alexander Isak minnkaði muninn á 76. mínútu þegar hann skoraði eina mark sænska liðsins, en nær komust gestirnir ekki.

Athygli vakti að Erling Haaland var ekki í byrjunarliði Norðmanna og kom ekki við sögu í leiknum. Svíþjóð verður í F-riðli á HM ásamt Hollandi, Japan og Túnis.

Noregur er í I-riðli með Frakklandi, Senegal og Írak á mótinu.