Út­för Björg­vins opin al­menningi

Þetta staðfestir aðstandandi en mbl.is greindi fyrst frá. Ekki liggur fyrir hvort streymt verði frá athöfninni að svo stöddu. 

Björgvin fæddist 16. apríl 1951 í Hafnarfirði og skilur eftir sig djúp spor í íslenskri menningarsögu. Hann söng meðal annars með hljómsveitum á borð við Ævintýri, Brimkló, Ðe lónlí blú bojs, HLH-flokknum og Sléttuúlfunum, auk þess að hafa átt glæstan sólóferil.

Arfleifðin lifi áfram

Sonur hans Krummi Björgvinsson minntist föður síns í dag og sagðist kveðja með brotið hjarta sem væri þó fullt af þakklæti, minningum, ást og arfleifð sem lifi áfram. Björgvin hafi átt erfitt síðustu ár vegna heilsuáskorana.

Svala Björgvins, dóttir Björgvins, minntist hans sömuleiðis á dögunum og lýsti þungri sorg.

„Ég var ekki tilbúin að missa þig, ég trúi ekki að ég muni ekki geta talað um allt milli himins og jarðar við þig og horfa á bíómyndir saman og djóka og hlæja og rökræða um lífið og syngja saman. Þú ert kletturinn okkar og með stærsta hjarta í heimi og elskar þitt fólk meira en allt í lífinu. Við munum sakna þín alla daga og halda minningu þinni lifandi. Ég lofa þér því, elsku pabbi minn.“