Florian Wirtz með stór­leik í sigri Þjóð­verja

Wirtz skoraði sigurmarkið í 4-3 sigri Þjóðverja á Sviss en áður hafði hann skorað annað mark og lagt upp mörk fyrir Jonathan Tah og Serge Gnabry.

Svisslendingar komust tvisvar yfir í fyrri hálfleik með mörkum Dan Ndoye og Breel Embolo en Þjóðverjar jöfnuðu metin í bæði skiptin.

Wirtz kom Þjóðverjum síðan í 3-2 á 61. mínútu eftir stoðsendingu frá Serge Gnabry. Svisslendingar svöruðu með marki frá Joël Monteiro á 79. mínútu.

Wirtz var ekki hættur því hann skoraði sigurmarkið á 85. mínútu eftir sendingu Pascal Gross.

Virgil van Dijk og Tijjani Reijnders skoruðu mörk Hollendinga í 2-1 sigri á Norðmönnum en Andreas Schjelderup hafði komið Noregi í 1-0 á 24. mínútu.

Norski framherjinn Erling Braut Haaland var hvíldur í kvöld og Martin Ödergaard gat ekki spilað vegna meiðsla.