Kristian skoraði í sigri gegn Al­fons og Stefáni

Nágrannaslagurinn fór rólega af stað en Twente tók forystuna þegar markmaður Go Ahead Eagles blindaðist í sólinni og skoraði klaufalegt sjálfsmark.

Hann ætlaði að grípa boltann eftir hornspyrnu en setti hann óvart í eigið net. Alfons Sampsted og félagar í vörninni voru ekki mjög ánægðir með markmanninn á þessari stundu. 

Twente tók síðan tveggja marka forystu fyrir hálfleik með marki Sam Lammers. 

Kristian Hlynsson skoraði síðan þriðja mark gestanna, með smá heppnisstimpli, þegar fyrirgjöf fór af varnarmanni og boltinn skoppaði hentugt fyrir hann.

Þvert gegn gangi leiksins tókst Go Ahead Eagles að minnka muninnmeð marki Jakob Breum.

Skömmu síðar var Stefán Ingi Sigurðarson settur inn til að auka sóknarþungann en það skilaði ekki tilætluðum árangri. 

Twente uppskar síðan vítaspyrnu sem gerði útslagið. 1-4 sigur skilaði sér og liðið stekkur upp í þriðja sæti deildarinnar, Evrópusæti. Með jafnmörg stig og Ajax en betri markatölu. 

Nökkvi Þórisson var einnig á skotskónum í dag, í 1-4 sigri Telstar á útivelli gegn Fortuna. Nökkvi skoraði fyrsta mark leiksins í öruggum sigri sinna manna.

Sigurinn var mikilvægur fyrir fallbaráttulið Telstar og kom liðinu upp í 16. sæti deildarinnar, umspilssætið í fallbarátunni.