Silkimjúk espresso-kaka fyrir helgina

Kakan er bæði elegant, einföld í undirbúningi, og ætti að gleðja alla kaffiunnendur.

Espresso ostakaka

Botn:

• 480 g Noir kex með belgísku súkkulaði
• 50 g smjör

Ostakaka:

• 400 g rjómaostur
• 200 g flórsykur
• 1 dl mjög sterkt espresso kaffi (kalt)
• 500 ml rjómi

Súkkulaðitoppur:

• 300 g suðusúkkulaði
• 100 g smjör
• 1 dl rjómi

Aðferð:

1. Setjið kexið í matvinnsluvél og blandið vel þar til það verður að mjúku mauki.
2. Bræðið smjörið og blandið saman við kexið.
3. Smyrjið hring af smelluformi og klæðið að innan með smjörpappír.
4.  Setjið smjörpappír á kökudisk, smellið hringnum ofan á og hellið kexblöndunni í formið. Setjið í frysti.
5. Hrærið saman rjómaosti, flórsykri og köldu espresso-kaffi.
6. Stífþeytið rjómann og blandið honum varlega saman við rjómaostablönduna með sleikju. 
7. Hellið blöndunni ofan á botninn og setjið í frysti í að minnsta kosti 8 klst, eða yfir nótt.
8. Setjið smjör, rjóma og súkkulaði í pott og bræðið saman við vægan hita. Látið kólna aðeins.
9. Takið kökuna úr frysti, leyfið henni að jafna sig í um klukkustund.
10. Hellið súkkulaðibráðinni yfir kökuna, með hringinn á kökunni, og sléttið.
11. Takið smelluformshringinn og smjörpappírinn af.
12. Skreytið með nokkrum kaffibaunum fyrir elegant lokahnykk.