Flug­freyja, íþróttakona og ráð­herra breyttu leiknum

„Við fengum öfluga kvenfyrirlesara úr ólíkum áttum til að flytja erindi en við lögðum upp með að fá konur sem vakið hafa athygli fyrir störf sín erlendis eða hér heima, haft áhrif, veitt öðrum konum innblástur, verið fyrirmyndir og haft áhrif á íslenskt þjóðfélag á einn eða annan hátt.“ Þetta kemur fram í fréttatilkynningu.

Ráðstefnustjóri var Kolbrún Pálína Helgadóttir, markaðssérfræðingur hjá Ósum og jógakennari.

Fyrirlesarar voru meðal annars Þorbjörg Sigríður Gunnlaugsdóttir dómsmálaráðherra, Annie Mist Þórisdóttir,  heimsmeistari í Crossfit og stofnandi Empower by Dottir, Guðríður Gunnlaugsdóttir, stofnandi og eigandi Barnaloppunnar, Sylvía Briem Friðjónsdóttir,eigandi heildsölunnar Steindal og hlaðvarpstjórnandi, og Helga Braga Jónsdóttir, leikkona, skemmtikraftur og flugfreyja.

Að lokinni ráðstefnu var gestum boðið í kampavínsboð á hótelinu, þar sem hægt var að ræða við fyrirlesara og aðra þátttakendur í notalegri stemningu.