Óútgefinni tón­list Beyoncé stolið úr bíl dans­höfundar

Þjófnaðurinn átti sér stað í Atlanta, fjórum dögum fyrir tónleikastopp Beyoncé í borginni. 

Afturrúða bifreiðarinnar var brotin á meðan Grant og dansarinn Diandre Blue fengu sér að borða og hafði þjófurinn á brott með sér tvær ferðatöskur.

Í töskunum voru nokkur geymsludrif, sem meðal annars innihéldu óútgefna tónlist með Beyoncé, drög að tónleikum söngkonunnar og lagalistar.

Beyoncé hefur ekki tjáð sig um þjófnaðinn en lögregluyfirvöld í Atlanta segja handtökuskipun hafa verið gefna út í tengslum við þjófnaðinn. 

Grant hefur unnið með öðrum tónlistarmönnum, til að mynda Shakiru, og Blue dansaði meðal annars í auglýsingu Beyoncé fyrir Super Bowl í fyrra.