Topplisti Alberts: „Íslenskasti leikur allra tíma“

Albert setti saman topplista úr leik ÍBV og Breiðabliks í síðustu umferð, sem hann segir að sé „íslenskasti leikur allra tíma“.

En hvað á Albert við þegar hann segir að þetta hafi verið íslenskasti leikur allra tíma? Í innslaginu telur hann upp hluti sem hann telur að gerist hvergi annarsstaðar en í íslensku deildinni.

„Þetta var bara íslenskasti leikur allra tíma. Sérstaklega eftir að ég las viðtal við Dóra Árna (Halldór Árnason, þjálfara Breiðabliks) á Fótbolta.net í dag þá hugsaði ég: Heyrðu, nú verðum við aðeins að kíkja á þetta,“ sagði Albert áður en hann fór yfir það sem honum þótti íslenskt við leikinn.

Truflandi golfarar, aukamörk, afmáðar línur sjö manna valla, tjaldsvæði fyrir aftan annað markið og lýsing Halldórs Árnasonar á aðstæðum fyrir leik var það sem gerði leikinn þann íslenskasta að mati Alberts, en innslagið má sjá í heild sinni í spilaranum hér fyrir neðan.