Fótbolti

Blaklandsliðið búið að toppa sinn besta árangur

Ágúst Orri Arnarson skrifar
Gleðin skein úr hverju andliti eftir frábæra frammistöðu á útivelli.
Gleðin skein úr hverju andliti eftir frábæra frammistöðu á útivelli. Blaksamband Íslands

Íslenska kvennalandsliðið í blaki vann dramatískan 3–2 sigur á Lúxemborg í CEV Silver League leik sem fram fór í Lúxemborg í gærkvöldi. Þetta var annar sigur landsliðsins í deildinni, sem er besti árangur Íslands í keppninni til þessa.

Leikurinn var afar spennandi frá upphafi til enda og sýndi íslenska liðið mikinn baráttuanda og seiglu þegar mest á reyndi. Ísland vann fyrstu hrinu leiksins, en Lúxemborg svaraði með sigri í næstu tveimur.

Þrátt fyrir að vera 2-1 undir tókst íslenska liðinu að snúa vörn í sókn og vinna bæði fjórðu og fimmtu hrinu. Í oddahrinunni tryggði Ísland sér sigur eftir upphækkun, en lokastaðan þar var 16–14 íslensku stelpunum í vil.

Leikmenn Íslands fagna saman í hring eftir leik – sterk liðsheild og samhugur einkenndi íslenska liðið í gegnum alla hrinurnar.Blaksamband Íslands

Ísland hefur nú unnið tvo af fimm leikjum sínum í Silver League og leikur við Færeyjar síðar í dag. Liðið er að ná sínum besta árangri í keppninni til þessa, og gæti bætt hann enn frekar með sigri á Færeyjum.

Stigahæstu leikmenn íslenska liðsins í kvöld voru Heba Sól Stefánsdóttir með 22 stig og Lejla Sara Hadziredzepovic með 21 stig – báðar á meðal þriggja stigahæstu leikmanna vallarins.

Blak

Mest lesið


Fleiri fréttir

Sjá meira


×

Mest lesið