Banda­ríska sam­bandið vill líka 48 þjóða HM hjá konunum

JT Batson, framkvæmdastjóri bandaríska sambandsins, vill þá sjá stærsta heimsmeistaramót sögunnar.

„48 þjóðir er eitthvað sem við höfum stutt með mikilli ástríðu,“ sagði Batson við hóp blaðamanna í gær.

„Við teljum að það yrði ótrúlega gott fyrir vöxt kvennafótboltans,“ bætti Batson við. ESPN segir frá.

Gianni Infantino, forseti FIFA, hefur þegar komið því í gegn að fjölga þjóðum í 48 á næsta heimsmeistaramóti karla sem fer fram á næsta ári og er hann líka einn af stuðningsmönnum þess að 64 þjóðir taki þátt í HM karla árið 2030.

Það myndi þýða að tvöfalt fleiri þjóðir tækju þátt í HM karla en í HM kvenna verði engar breytingar gerðar á kvennamótinu.

HM kvenna árið 2027 fer fram í Brasilíu og þar verða 32 þjóðir eins og heimsmeistaramótinu fjórum árum fyrr. Þátttökuliðum var fjölgað á HM kvenna úr 16 í 24 árið 2015 og svo aftur upp í 32 þjóðir í síðustu keppni.

Íslenska kvennalandsliðið hefur aldrei komist á heimsmeistaramótið en hefur verið nálægt það undanfarin ár. Liðið hefur aftur á móti verið með á öllum Evrópumeistaramótum undanfarin sextán ár.

Bandaríkjamenn ætla að halda HM kvenna 2031 ásamt öðrum þjóðum í Norður- og Mið-Ameríku en Batson segir að fjöldi leikja munu hafa áhrif á það hversu margrar þjóðir bætast í hóp gestgjafa.

Bandaríkin halda HM karla 2026 með Mexíkó og Kanada sem eru einnig líklegir samstarfsaðilar á kvennamótinu eftir sex ár.