Hefur mikinn á­huga á slökkvi­liðinu

Fegurðarsamkeppnin Ungfrú Ísland verður haldin í tíunda skipti þann 3. apríl næstkomandi og fer fram í Gamla bíói. Keppendur eru tuttugu talsins og eru á aldrinum 18 til 37 ára.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu þann 3. apríl á Vísi og Stöð 2 Vísi.

Fullt nafn? Kamilla Guðrún Lowen.

Aldur? 19 ára. 

Starf? Ég vinn á Dúos í hafnarfirði. 

Menntun? Ég stunda nám í Fjölbrautaskólanum í Garðabæ. 

Hvernig myndir þú lýsa sjálfri þér í þremur orðum? 

Glaðlynd, hreinskilin og skynsöm.

Hvað kæmi fólki mest á óvart að vita um þig? Þegar ég segi fólki að ég vil fara í slökkviliðið í framtíðinni.

Hver er fyrirmynd þín í lífinu? Zendaya Maree Stoermer Coleman er fyrirmyndin mín, vegna þess að hún er leikona, söngkona og fyrirsæta, allt sem ég hef sjálf gríðarlegan áhuga á. 

Hvað hefur mótað þig mest? 

Persónulega finnst mér ég sjálf hafa mótað mig og manneskjuna sem ég er í dag, ég hef fengið margar áskoranir í lífinu og hef alltaf fjölskyldu og vinkonur mínar til staðar. 

Hver er mesta áskorunin sem þú hefur þurft að takast á við, og hvernig komstu þér í gegnum hana? Ég veit ekki alveg hvað mesta áskorunin sem ég hef þurft að takast á við, en ég man mjög vel eftir því þegar ég ákvað að fara í Fjölbrautarskólann í Garðabæ og þurfti að hækka einkunnirnar mínar. Ég fór úr D og C+ yfir í B+ og A. Á útskriftardeginum fékk ég viðurkenningu fyrir mest framúrskarandi nemandi. 

Hverju ertu stoltust af? Af því sem ég svaraði hér að ofan.

Hver er þín mesta gæfa í lífinu? Mín mesta gæfa er að ég nota ekkert nikotín, drekk ekki áfengi og er skynsöm með ákvarðarnir mínar. 

Hvernig tekstu á við stress og álag? Ef ég er undir mjög miklu stressi og álagi finnst mér mjög róandi að fara í ræktinna eða leggjast upp í rúm með nammi og hafa það huggulegt. Ég vinn samt mjög vel undir álagi. 

Besta heilræði sem þú hefur fengið? 

Komdu fram við aðra eins og þú vilt láta koma fram við þig.

Neyðarlegasta atvik sem þú hefur lent í? Mér dettur nefnilega ekkert í hug nema að hafa stigið vitlaust í fótinn. 

Býrðu yfir einhverjum leyndum hæfileika? Ég er með mjög sterka vöðva í andlitinu og get gert allskonar svipi t.d Grinch svipinn. 

Hvað finnst þér heillandi í fari fólks? Það sem mér finnst heillandi við manneskjur er þegar þær eru fyndnar, einlægir, kurteisar, með fallegt bros og bera sig vel. 

En óheillandi? Það sem mér finnst óheillandi er dónaskapur, óréttlæti, svik og að bera sig illa. 

Hver er þinn helsti ótti? Að eiga engin börn og maka í framtíðinni. 

Hvar sérðu þig eftir tíu ár? Í slökkviliðinu vonandi, ég nefnilega hef gríðarlegan áhuga á því. 

Hvaða tungumál talarðu? Íslensku og ensku.

Hvað er uppáhalds maturinn þinn? Sushi.

Hvaða lag tekur þú í karókí? Slipping through My fingers – úr Mamma mia.

Hver er frægasti einstaklingur sem þú hefur hitt? Ólafur Darri Ólafsson, við lékum saman í Berdreymi.

Hvort kýstu að skrifa skilaboð eða eiga samskipti við fólk í eigin persónu? Mér finnst bæði mjög skemmtilegt en fer eftir aðstæðum.

Ef þú fengir tíu milljónir til umráða, hvað myndirðu gera við peningana? Ég myndi setja 80 prósent strax inn á sparireikninginn minn og fá restina kannski aðeins í að njóta. 

Hvað var það sem vakti áhuga þinn á keppninni?Ég hef verið að fylgjast með keppninni í svolítinn tíma og lengi haft áhuga að taka þátt. Þegar ég frétti af því hversu skemmtilegt og lærdómsríkt þetta er frá fyrrverandi keppendum sótti ég strax um.

Hvað ert þú búin að læra í ferlinu? Eftir að þetta ferli byrjaði hef ég orðið jákvæðari, glaðlyndari og gleymi aldrei að lifa og njóta. 

Hvaða samfélagslega málefni brennur þú fyrir? Notkun síma hjá unglingum, hún er mikil. 

Hvaða kosti þarf Ungfrú Ísland að búa yfir? Ég svara því hérna fyrir neðan.

Af hverju sækist þú eftir því að vera næsta Ungfrú Ísland? Ég hef brennandi áhuga að vera í Ungfrú Ísland bransanum og vera partur af þessu æðislegu teymi. Þegar ég hef sett mér markmið þá ætla ég mér að ná því!

Mér finnst ég vera jákvæð, falleg bæði að innan og utan sem er svo merkilegt, mér finnst ég góð fyrirmynd, ég veipa ekki, drekk ekki áfengi og einbeiti mér á framtíðinni minni. Ég vil líka hvetja stelpur sem eru með mismunandi bakgrunn og eru frá blönduðum þjóðernum að taka þátt. 

Hvað greinir þig frá öðrum keppendum? Við erum allar einstakar á okkar eigin hátt, en það sem mér finnst greina mig frá hinum keppendunum er að ég hef kannski smá reynslu í þessum bransa, ég er bæði fyrirsæta og leikari og hef verið það mjög lengi. 

Hvert er stærsta vandamálið sem þín kynslóð stendur frammi fyrir? Og hvernig mætti leysa það? Ég hef smá áhyggjur af jafnöldrum mínum. Kynslóðin mín er stanslaust í símanum eða úti að djamma og drekka áfengi, ég vona að þau geta nýtt tímann sinn betur á þessari jörð með því að hitta vini, fara í útilegur, íslenskar hátíðir og hafa betra félagslíf. 

Hvað viltu segja við þá sem hafa neikvæða skoðun á fegurðarsamkeppnum? Það sem ég vil segja við þau er að halda sínum skoðunum út fyrir sjálfan sig, sérstaklega ef þau vita í raun og veru ekki um hvað hún snýst um. 

Þegar það er sagt Ungfrú Ísland hugsa flestir, ója þarna fegurðasamkeppnin, en þetta er svo miklu meira en bara fegurðarsamkeppni. Það er verið að dæma hvernig þú berð þig, hvort þú sért með gott hjarta, góð plön fyrir samfélagið og hvernig þú vilt laga það, hvort þú hefur gott sjálfstraust, ert góð fyrirmynd og fleira. Það er afskaplega stór plús ef þú ert líka falleg stúlka en mundu það sést hverjir eru fallegir bæði að innan og utan.