Ó­mót­stæði­legur núðluréttur á fimm mínútum

Linda segir réttinn fjölskylduvænan þar sem hægt er að búa til tvær útgáfur af sósunni sem er sett yfir: „Í eina skálina set ég chilí en sleppi honum í hina skálina. Svo sleppi ég auðvitað að setja chilí olíu yfir núðlur barnanna. Krakkarnir mínir alveg elska þessar núðlur þannig og háma þær í sig.“

Sterkar hnetusmjörsnúðlur á fimm mínútum

Hráefni:

400 g hrísgrjónanúðlur

500 g risarækjur

Salt og pipar

4 msk gróft hnetusmjör

3 msk soja sósa

3 msk hrísgrjóna edik

1 msk hunang

1 msk sesam olía

1 tsk chili flögur

3-4 stk hvítlauksgeirar

2 msk sjóðandi heitt vatn

Toppið réttinn með:

Chili olía

Vorlaukur

Ferskur chilí (má sleppa)

Salt hnetur

Aðferð:

Sjóðið hrísgrjónanúðlurnar samkvæmt leiðbeiningum.

Steikið risarækjurnar á pönnu upp úr salti og pipar.

Á meðan núðlurnar eru að sjóða og rækjurnar eru að steikjast skuli þið útbúa sósuna með því að setja hnetusmjör, soja sósu, hrrísgrjónaedik, hunang, sesam olíu, chili flögur og rifinn hvítlauk í skál.

Hrærið saman og bætið við sjóðandi heitu vatni til að þynna sósuna til að ná öllu saman.

Setjið núðlurnar í skál ásamt sósunni og hrærið saman.

Skiptið núðlunum í skálar og bætið ofan á risarækjum, smátt skornum vorlauk, chilí og salt hnetum, toppið með chilí olíu.