Körfubolti

Jón Axel raðaði niður þristunum í dýr­mætum sigri

Óskar Ófeigur Jónsson skrifar
Jón Axel Guðmundsson var flottur í kvöld.
Jón Axel Guðmundsson var flottur í kvöld. Vísir/Sigurjón

San Pablo Burgos er áfram í toppsæti spænsku b-deildarinnar í körfubolta eftir sigur í spennuleik á útivelli í kvöld.

San Pablo Burgos vann þá 87-85 sigur á Palencia eftir að hafa verið fimm stigum undir í hálfleik, 44-39.

Jón Axel Guðmundsson átti góðan leik með Burgos og skoraði 19 stig á rúmum 27 mínútum.

Hann var sjóðheitur fyrir utan þriggja stiga línuna og hitti úr fjórum af fimm skotum sinum fyrir utan.

Jón Axel var stigahæstur í sínu liði, skoraði einu stigi meira en Argentínumaðurinn Gonzalo Corbalán.

Jón Axel skoraði líka tvö síðustu stig síns liðs af vítalínunni og kom San Pablo Burgos þá í 87-81 sem dugði síðan til sigurs.

Spænski körfuboltinn

Mest lesið


Fleiri fréttir

Sjá meira


×

Mest lesið