Fundurinn hófst klukkan 14:00. Útsendingu frá honum má sjá í spilaranum hér fyrir neðan. Textalýsinguna frá fundinum má svo finna neðst í fréttinni.
Í gærkvöldi var tilkynnt að Arnar hefði verið ráðinn landsliðsþjálfari. Hann lætur því af störfum hjá Víkingi sem hann hefur stýrt frá haustinu 2018. Arnar gerði Víkinga tvívegis að Íslandsmeisturum og fjórum sinnum að bikarmeisturum.
Arnar stýrir landsliðinu í fyrsta sinn í umspilsleikjum gegn Kósovó í mars um sæti í B-deild Þjóðadeildar UEFA. Næsta haust spilar Ísland alla sex leiki sína í undankeppni HM 2026. Íslendingar eru í D-riðli ásamt Frökkum eða Króötum, Úkraínumönnum og Aserum.
