Nýr og glæsilegur uppskriftavefur frá Nóa Síríus

Nói Síríus 31. október 2024 10:15

Nú geta landsmenn sótt gömlu klassísku uppskriftirnar frá Nóa Síríus auk fjölda nýrra og spennandi uppskrifta. Nói Síríus opnaði glæsilegan uppskriftarvef í gær sem ber nafnið Ljúfa líf og þar ættu allir að finna eitthvað við sitt hæfi.

Nói Síríus opnaði nýjan og glæsilegan uppskriftarvef í gær sem ber nafnið Ljúfa líf. Þar má finna fjölda klassískra og nýrra uppskrifta auk hinna sívinsælu kökubæklinga sem hafa komið úr árlega síðan 1992.

„Það eru svo sannarlega margir sem hafa beðið eftir þessum uppskriftavef,“ segir Ögmundur Ísak Ögmundsson, markaðsfulltrúi hjá Nóa Síríus. „Við höfum fengið margar fyrirspurnir undanfarin ár um hvort ekki eigi að safna þessum klassísku uppskriftum saman á einn stað og ekki síður klassísku kökubæklingunum sem landsmenn hafa safnað í áratugi.“

Uppskriftir skiptast í nokkra flokka; Smákökur, kökur, bollakökur, eftirrétti, konfekt, ís og ístertur, drykki og annað. „Þarna ættu allir að finna eitthvað við sitt hæfi, klassískar uppskriftir og eitthvað nýtt. Það var starfsfólk Nóa Síríus sem á heiðurinn af uppskriftum í fyrstu bæklingunum.“

„Við höfum fengið margar fyrirspurnir undanfarin ár um hvort ekki eigi að safna þessum klassísku uppskriftum saman á einn stað og ekki síður klassísku kökubæklingunum sem landsmenn hafa safnað í áratugi,“ segir Ögmundur Ísak Ögmundsson, markaðsfulltrúi hjá Nóa Síríus.

Síðar tók við farsælt samstarf við þekkta bakara og matgæðinga. „Þar má m.a. nefna Jóa Fel (bæklingur frá 1995), Evu Laufeyju (bæklingur frá 2019), Hafliða Ragnarsson (bæklingur frá 1994) og Berglindi Hreiðarsdóttur sem rekur vefinn Gotterí og gersemar (bæklingur frá 2023). Það er mjög gaman að sjá hvað þessi snillingar og aðrir sem hafa unnið með okkur, nýta fjölbreytt hráefni úr vöruflóru okkar. Stundum hugsa ég bara: „Hvernig datt honum/henni þetta í hug?“.“

Utan gómsætra uppskrifta og safn eldri kökubæklinga mun vefurinn líka innihalda ýmsar skemmtilegar fréttir og sögur tengdar langri sögu fyrirtækisins og Íslendinga sem hafa notað vörur þess undanfarna áratugi. „Það tengja einhvern vegin allir við Nóa Síríus og eiga sínar uppáhaldsvörur. Nú þegar má m.a. lesa um 30 ára afmæli lakkrístoppsins en hann er alíslensk uppfinning og skemmtilegt viðtal við plötusnúðinn og fjölmiðlakonuna Dóru Júlíu.“

Kökubæklingar Nóa Síríus hafa notið mikilla vinsælda eins og fyrr segir og með þessum vef ná nýir bæklingar meiri útbreiðslu og aðgengi að eldri bæklingum verður muna meira en áður. „Hér ráða líka umhverfissjónarmið för auk þess sem vefurinn gefur okkur fleiri tækifæri til að birta uppskriftir yfir allt árið. Því þótt jólin séu stærsti bökunartíminn hér á landi þá er árið hlaðið af alls kyns tilefnum. Og þá er gott að geta kíkt inn á Ljúfa líf.“

Skelltu í eina skrímslahrísköku frá Gotterí og gersemum.

Skrímslahrískökur Rice Krispies

Uppskrift frá Berglindi Hreiðarsdóttur - Gotterí og gersemar.

Innihaldsefni:

200 g Síríus suðusúkkulaði

40 g smjör

220 g síróp

150 g Eitt sett lakkrískurl

150 g Rice Krispies

Kökuskraut

Sykuraugu

Leiðbeiningar:

Klæðið skúffukökuform að innan með bökunarpappír.

Bræðið súkkulaði, smjör og síróp saman í potti þar til bráðið. Leyfið að sjóða saman í um 30 sekúndur og slökkvið þá á hellunni.

Hrærið Rice Krispies og Eitt sett kurli saman við og hellið í bökunarformið, sléttið aðeins úr. Stráið kökuskrauti í hrekkjavökulitunum yfir allt og þrýstið skrímslaaugum niður hér og þar.

Kælið í að minnsta kosti 30 mínútur áður en þið skerið í.

Kökur og tertur Jól