Hrylli­legar og góm­sætar upp­skriftir fyrir hrekkjavökuna

Hrekkjavökumús með rjóma

Uppskriftin dugar í um sex krukkur.

Súkkulaðimús

Hráefni:

200 g dökkt súkkulaði

50 g smjör

2 egg

250 ml þeyttur rjómi

Aðferð:

Bræðið súkkulaði og smjör saman í vatnsbaði og leyfið hitanum aðeins að rjúka úr.

Pískið eggin og bætið við súkkulaðiblönduna í nokkrum skömmtum, blandið vel saman.

Setjið u.þ.b 1/3 af þeytta rjómanum út í súkkulaðiblönduna og með sleikju og blandið varlega.

Bætið þá restinni af rjómanum saman við og blandið þar til slétt áferð hefur myndast.

Hellið músinni í glös og setjið í kæli á meðan annað þið undirbúið rest.

Saltkaramella

Hráefni:

180 g mjúkar karamellur

6 msk. rjómi

Aðferð:

Hitið saman í potti þar til fljótandi karamella hefur myndast. 

Leyfið blöndunni að kólna í smá stund.

Setjið væna matskeið af  karamellu ofan á hverja súkkulaðimús.

Rjómi og toppur

Hráefni:

300 ml þeyttur rjómi

10-15 Oreokex

Hlaupaugu

Hlaupormar

Sykuraugu

Aðferð:

Skerið Oreokex til helminga með beittum hníf.

Setjið síðan um fimm stk Oreokex í blandara og blandið þar til fín mylsna hefur myndast (gott að nota hér kexin sem brotnuðu við skurðinn ef einhver slík eru til staðar).

Sprautið þeyttum rjóma yfir karamelluna á hverri mús, stráið Oreomylsnu yfir allt og toppið ýmist með hlaupauguum, ormum eða tveimur hálfum Oreokexum og sykuraugum fyrir leðurblöku.

Fljótlegar skrímsla hrískökur

Hráefni:

200 g suðusúkkulaði

40 g smjör

220 g sýróp

150 g lakkrískurl

150 g Rice Krispies

Kökuskraut

Sykuraugu

Aðferð:

Klæðið skúffukökuform að innan með bökunarpappír.

Bræðið súkkulaði, smjör og sýróp saman í potti þar til bráðið, leyfið að sjóða saman í um 30 sekúndur og slökkvið á hellunni.

Hrærið Rice Krispies og kurlinu saman við og hellið í bökunarformið, sléttið aðeins úr.

Stráið kökuskrauti í hrekkjavökulitunum yfir allt og þrýstið skrímslaaugum niður hér og þar.

Kælið í að minnsta kosti 30 mínútur áður en skorið í bita.