Steve Bruce gæti tekið við gamla starfi Heimis Hall­gríms

Jamaíka er án landsliðsþjálfara í knattspyrnu karla eftir að Heimir Hallgrímsson hætti eftir Suðurameríkukeppnina í sumar. Heimur tók seinna við írska landsliðinu.

Síðasti leikur Heimis var 3-0 tap á móti Venesúela en hann hafði gert mjög góða hluti með jamaíska landsliðið á þeim tíma sem hann stýrði málum í Karabíska hafinu.

Bruce hefur aftur á móti verið atvinnulaus síðan í október 2022 þegar hann var látinn taka pokann sig hjá West Bromwich Albion.

Daily Mirror segir frá þessum viðræðum og að sambandið muni ákveða sig á næstu tíu dögum.

Bruce hefur gríðarlega reynslu af því að stýra liðum í ensku deildunum en hann hefur stýrt tólf félögum og alls í meira en þúsund leikjum.

Þetta yrði aftur á móti hans fyrstu kynni af því að stýra landsliði. Bruce sjálfur náði aldrei að spila A-landsleik fyrir England en lék einn b-landsliðsleik.