„Þá mun hann aldrei þurfa að kaupa sér pintu af Guinness“ Valur Páll Eiríksson skrifar 10. júlí 2024 19:45 John Andrews fagnar ráðningu Heimis hjá landsliði heimalands hans. Vísir/Samsett Írinn John Andrews, þjálfari Víkings í Bestu deild kvenna, er ánægður með ráðningu Heimis Hallgrímssonar sem nýs landsliðsþjálfara þeirra írsku. Ráðning Heimis í dag kom mörgum á óvart enda er hann nýhættur með lið Jamaíku og hafði lítið kvisast út um viðræður við írska knattspyrnusambandið. Þar með lýkur 231 dags langri þjálfaraleit sambandsins, en svo langt er síðan að Stephen Kenny var látinn taka poka sinn. „Sem betur fer líður okkur eins og við höfum fengið réttan mann í starfið, eftir þessa bið. Ég er himinlifandi yfir þessu. Ég er heppinn að vera innan um fólk hér hjá félaginu (Víkingi) sem þekkir Heimi og getur vart hrósað honum nógu mikið,“ „Það eru margir ungir og öflugir leikmenn að banka á dyrnar hjá landsliðinu sem þurfa ef til vill smá strúktúr og stöðugleika sem ég held að Heimir komi með að borðinu,“ segir Andrews í samtali við Vísi. Þyrfti að spyrja O'Shea sjálfan John O‘Shea, fyrrum varnarmaður Manchester United, hefur stýrt landsliði Írlands til bráðabirgða á meðan eftirmanns Kenny var leitað. Hann gerði vel á tíma sínum í þeirri stöðu og vakti það upp einhverja gagnrýni á samfélagsmiðlum í dag að O'Shea hafi ekki fengið tækifæri til að taka alfarið við liðinu. John O'Shea stýrði liði Írlands til bráðabirgða, og gerði vel.Gareth Copley/Getty Images Það er því vert að spyrja Andrews hvort illa sé farið með O'Shea. „Það þyrfti að spyrja John sjálfan að því. Hann hefur stýrt liðinu í fjórum eða fimm leikjum og gert vel en Heimir hefur farið á Evrópumót og HM, stýrt um allan heim. Ferilskrá hans er góð. En það sem ég heyri af John virðist henta honum vel að þjálfa landsliðsbolta og hans tími gæti komið síðar. En sem Íri á Íslandi er ég gríðarlega ánægður með þessa ráðningu,“ segir Andews. Heimir með góða ferilskrá, alveg eins og Keane, Bruce og Benítez Á meðan löng leit Íra hefur staðið yfir hafa fjölmörg nöfn verið orðuð við starfið. Þar á meðal eru Roy Keane, Steve Bruce og Rafael Benítez. Andrews kveðst ekki ósáttur við að Heimir hafi verið valinn fram yfir þessa menn. „Ég er mikill aðdáandi Roy Keane, mér fannst hann gera ákaflega vel hjá Sunderland og Ipswich á sínum tíma, og hann var frábær sem aðstoðarþjálfari Írlands. Hann, Steve Bruce og Rafa Benítez eru allir með frábæra ferilskrá en Heimir hefur það líka. Hann hefur sinnt þessu á hæsta stigi alþjóðaboltans sem þjálfari og gefið Íslendingum þeirra bestu minningar, fótboltalega séð,“ „Þetta tók vissulega sinn tíma, ferlið ílendgist. En hvað karakter og persónuleika hans varðar held ég að þetta sé fullkomið fitt og ég held hann verði muni njóta mikils árangurs,“ segir Andrews. Tannlæknagrínið rétt að byrja Viðbrögð á meðal írskra stuðningsmanna hafa eins misjöfn og þau eru mörg á samfélagsmiðlum. Aðspurður um viðbrögðin heima fyrir segir Andrews Heimi geta átt von á því að grín verði gert að honum, en þjóðin muni flykkjast að baki honum ef hann kemst vel af stað. „Íra svipar að mörgu leyti til Íslendinga. Það verður mikið grín gert að tannlæknastarfinu, ég veit það. Írar hafa mikinn húmor og það verður gert mikið grín. En það verður allt á léttum nótum og ef hann verður vinsæll ef og þegar hann byrjar að vinna leiki, hvað þá gegn Englandi, eins og hann hefur góða reynslu af,“ „Fyrsti leikurinn er á Aviva-vellinum gegn Englandi, ef hann vinnur það verður hann þjóðhetja. En það verður gert grín, en það er allt gert í góðu. Ef hann gerir það sem hann er ráðinn til að gera og fer að vinna leiki, byggir liðið upp, þá mun hann aldrei þurfa að kaupa sér pintu af Guinness, það er alveg á tæru,“ segir Andrews. Heimir Hallgrímsson þjálfar landslið Írlands Íslendingar erlendis Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Dagskráin í dag: Bónus, Besta og Stúkan á Sumardaginn fyrsta Sport Tryggvi Evrópumeistari með Bilbao Basket Körfubolti Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira
Ráðning Heimis í dag kom mörgum á óvart enda er hann nýhættur með lið Jamaíku og hafði lítið kvisast út um viðræður við írska knattspyrnusambandið. Þar með lýkur 231 dags langri þjálfaraleit sambandsins, en svo langt er síðan að Stephen Kenny var látinn taka poka sinn. „Sem betur fer líður okkur eins og við höfum fengið réttan mann í starfið, eftir þessa bið. Ég er himinlifandi yfir þessu. Ég er heppinn að vera innan um fólk hér hjá félaginu (Víkingi) sem þekkir Heimi og getur vart hrósað honum nógu mikið,“ „Það eru margir ungir og öflugir leikmenn að banka á dyrnar hjá landsliðinu sem þurfa ef til vill smá strúktúr og stöðugleika sem ég held að Heimir komi með að borðinu,“ segir Andrews í samtali við Vísi. Þyrfti að spyrja O'Shea sjálfan John O‘Shea, fyrrum varnarmaður Manchester United, hefur stýrt landsliði Írlands til bráðabirgða á meðan eftirmanns Kenny var leitað. Hann gerði vel á tíma sínum í þeirri stöðu og vakti það upp einhverja gagnrýni á samfélagsmiðlum í dag að O'Shea hafi ekki fengið tækifæri til að taka alfarið við liðinu. John O'Shea stýrði liði Írlands til bráðabirgða, og gerði vel.Gareth Copley/Getty Images Það er því vert að spyrja Andrews hvort illa sé farið með O'Shea. „Það þyrfti að spyrja John sjálfan að því. Hann hefur stýrt liðinu í fjórum eða fimm leikjum og gert vel en Heimir hefur farið á Evrópumót og HM, stýrt um allan heim. Ferilskrá hans er góð. En það sem ég heyri af John virðist henta honum vel að þjálfa landsliðsbolta og hans tími gæti komið síðar. En sem Íri á Íslandi er ég gríðarlega ánægður með þessa ráðningu,“ segir Andews. Heimir með góða ferilskrá, alveg eins og Keane, Bruce og Benítez Á meðan löng leit Íra hefur staðið yfir hafa fjölmörg nöfn verið orðuð við starfið. Þar á meðal eru Roy Keane, Steve Bruce og Rafael Benítez. Andrews kveðst ekki ósáttur við að Heimir hafi verið valinn fram yfir þessa menn. „Ég er mikill aðdáandi Roy Keane, mér fannst hann gera ákaflega vel hjá Sunderland og Ipswich á sínum tíma, og hann var frábær sem aðstoðarþjálfari Írlands. Hann, Steve Bruce og Rafa Benítez eru allir með frábæra ferilskrá en Heimir hefur það líka. Hann hefur sinnt þessu á hæsta stigi alþjóðaboltans sem þjálfari og gefið Íslendingum þeirra bestu minningar, fótboltalega séð,“ „Þetta tók vissulega sinn tíma, ferlið ílendgist. En hvað karakter og persónuleika hans varðar held ég að þetta sé fullkomið fitt og ég held hann verði muni njóta mikils árangurs,“ segir Andrews. Tannlæknagrínið rétt að byrja Viðbrögð á meðal írskra stuðningsmanna hafa eins misjöfn og þau eru mörg á samfélagsmiðlum. Aðspurður um viðbrögðin heima fyrir segir Andrews Heimi geta átt von á því að grín verði gert að honum, en þjóðin muni flykkjast að baki honum ef hann kemst vel af stað. „Íra svipar að mörgu leyti til Íslendinga. Það verður mikið grín gert að tannlæknastarfinu, ég veit það. Írar hafa mikinn húmor og það verður gert mikið grín. En það verður allt á léttum nótum og ef hann verður vinsæll ef og þegar hann byrjar að vinna leiki, hvað þá gegn Englandi, eins og hann hefur góða reynslu af,“ „Fyrsti leikurinn er á Aviva-vellinum gegn Englandi, ef hann vinnur það verður hann þjóðhetja. En það verður gert grín, en það er allt gert í góðu. Ef hann gerir það sem hann er ráðinn til að gera og fer að vinna leiki, byggir liðið upp, þá mun hann aldrei þurfa að kaupa sér pintu af Guinness, það er alveg á tæru,“ segir Andrews.
Heimir Hallgrímsson þjálfar landslið Írlands Íslendingar erlendis Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Dagskráin í dag: Bónus, Besta og Stúkan á Sumardaginn fyrsta Sport Tryggvi Evrópumeistari með Bilbao Basket Körfubolti Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira