Thiago leggur skóna á hilluna

Thiago, sem fagnaði nýlega 33 ára afmæli sínu, á að baki farsælan feril þar sem hann hefur leikið með Barcelona, Bayern München og nú síðast Liverpool.

Á ferli sínum hefur hann unnið allt sem í boði er. Hann varð fjórum sinnum spænskur meistari með Barcelona og þýskur meistari með Bayern München í þrígang. Þá vann hann Meistaradeild Evrópu í tvígang ásamt því að verða spænskur, þýskur og enskur bikarmeistari.

Þrátt fyrir að eiga brasilíska foreldra og vera fæddur á Ítalíu lék hann með öllum yngri landsliðum Spánar og A-landsliði þjóðarinnar í tíu ár, frá 2011-2021.