Rubiales hand­tekinn í tengslum við spillingar­málið

Rubiales er grunaður um að hafa þegið ólöglegar greiðslur er spænska knattspyrnusambandið gerði himinháann samning um að leikurinn um spænska ofurbikarinn færi fram í Sádi-Arabíu. Hann var því handtekinn á flugvellinum í Madríd við komu sína frá Dóminíska lýðveldinu.

Saksóknarar á Spáni fara fram á að Rubiales verði dæmdur til tveggja og hálfs árs fangelsisvistar, en Rubiales neitar öllum ásökunum á hendur sér. Húsleit var gerð á heimili Rubiales í lok síðasta mánaðar þegar hann var staddur í Dóminíska lýðveldinu.

 Þá var lögregluleit einnig framkvæmd í húsakynnum spænska knattspyrnusambandsins. Alls var leit gerð í ellefu húsnæðum þann 20. mars síðastliðinn, þeirra á meðal húsakynnum knattspyrnusambandsins í Madríd og heimili Rubiales í Granada.

Þetta er ekki eina málið sem Rubiales á yfir höfði sér, en hann var á dögunum einnig ákærður í tveimur mis­munandi liðum tengdum at­hæfi sínu í kjöl­far sigurs spænska kvenna­lands­liðsins í knatt­­spyrnu á HM á síðasta ári.

Ru­bi­a­les smellti ó­um­beðnum kossi á varir Jenni Her­mos­o, leik­manns spænska lands­liðsins er liðið fagnaði glæstum sigri á HM í fyrra. Mál sem vakti mikla at­hygli á sínum tíma og í kjöl­farið komu upp úr kófinu fleiri á­sakanir á hendur Ru­bi­a­les um ó­við­eig­andi hegðun.

Dóm­stólar á Spáni haft málið á sínu borði og hefur Ru­bi­a­les nú verið á­kærður í tveimur mis­munandi liðum. Annar þeirra snýr að kyn­ferðis­broti og hinn að stjórnandi hegðun hans í kjöl­far hins ó­um­beðna koss.