Sturlað mark í steindauðum leik: „Ég bara hneigi mig“

Liðin mættust í æfingaleik í dag og hann var markalaus fram í uppbótartíma fyrri hálfleiks þegar Bojan Miovski kom Norður-Makedóníu yfir.

En það er Vitalie Damascan sem grípur fyrirsagnirnar eftir leik dagsins. Þær fáu sem varpað verður fram, það er að segja.

Hann skoraði algjört draumamark til að tryggja Moldóvum stig seint í leiknum er hann klippti boltann viðstöðulaust í stöng og inn.

Sjón er sögu ríkari en markið má sjá með lýsingu Henrys Birgis Gunnarssonar í spilaranum að neðan.