Dönsk pönnukökuterta að hætti verðlaunabakara

„Hver elskar ekki pönnukökur,“ spyr Frederik sig deilir aðferðinni í skemmtilegu myndbandi. En Frederik er danskur áhrifavaldur og raunveruleikastjarna. Hann lenti til að mynda í öðru sæti í raunveruleikaþættinum, Den danske dagedyst, sem er afar vinsæll þáttur í Danmörku.

Pönnuköku terta ( Fyrir tíu til tólf manns)

Pönnukökur

75 g sykur

4 stór egg

190 g hveiti

4,5 dl mjólk

1 tsk af kardimommu

6 msk af dökkum bjór

Korn úr einni vanillustöng

Börkur af hálfri sítrónu

Hnífsbroddur af salti

Smjör til steikingar

Aðferð

Skafið vanillukornin innan úr vanillustönginni og hrærið saman við örlítið af sykrinum.

Hrærið vanillusykri, restinni af sykrinum, egg, sætmjólk, sítrónuberki, kardimommum og bjór vel saman í skál.

Sigtið hveitið ofan í blönduna og hrærið þangað til deigið þar til allt er blandað vel saman.

Kælið deigið í tuttugu mínútur.

Setjið pönnuna á hellu og hitið hana yfir meðalhita

Hellið 1 dl af deiginu í einu á pönnuna og steikið á hvorri hlið.

Kælið pönnukökurnar vel áður en tertan er sett saman.

Mascarpone krem

500 g mascarpone 

300 g niðursoðinni sætmjólk

Börkur af hálfri sítrónu

Aðferð

Hrærið mascarpone-osti vel saman.

Bætið einni dós af niðursoðinni sætmjólk (sweetened condensed milk) saman við á meðan þið hrærið, setjið lítið í einu. 

Til skrauts

Jarðaber

Brómber

Samsetning

Raðið pönnukökunum í hringlaga 20 cm kökuform. Látið helming pönnukökunnar liggja fram yfir brúnina. Setjið eina pönnuköku í botninn.

Skiptið kreminu upp í fjóra hluta.

Smyrjið kremblöndunni á pönnukökurnar og raðið jarðaberjum og brómberjum ofan á. Setjið eina pönnuköku ofan á blönduna.

Endurtakið þetta þrisvar til viðbótar. Í lokin er ein pönnukaka sett ofan á.

Loks er tertunni lokað með þeim pönnukökum sem liggja út fyrir formið. 

Skreytið tertuna í lokin með örlitlu af kremblöndunni og berjum.

Kælið um stund áður en tertan er borin fram.

Fleiri bakstursppskriftir má nálgast á Instagram-síðunni hans.