Saltblár er litur ársins hjá KitchenAid

„Við hófum vinnu við KitchenAid lit ársins 2024 með gagnasöfnun snemma á árinu 2021,“ er haft eftir Brittni Pertijs, lit-, áferðar- og efnisstjóra hjá Whirlpool. „Hlýir tónar líkt og tveir síðustu KitchenAid litir ársins, Beetroot og Hibiscus, hafa verið svo afgerandi djarfir að við sáum fyrir okkur upprisu kaldari lita á ný. 

Við vildum að litur ársins 2024 endurspeglaði fjölbreytni litatóna og skynjunar sem finna má í náttúrunni, eins og í loftinu eða sjónum,“ segir Brittni.

Litur og hönnun skapa magnaða upplifun

„Hjá KitchenAid leitumst við eftir því að skapa magnaða eldhúsupplifun og það byrjar gjarnan með lit og hönnun varanna okkar. Litur ársins 2024 bregður ekki út af vananum að því leitinu til, en hann er fyrsti liturinn okkar sem hefur þessa einstöku perluáferð," segir Chad Reis, Markaðs- og vörumerkjastjóri KitchenAid smátækja 

„Þetta er ljóslifandi litur sem er vís til þess að brjótast út úr eintóna tilbreytingarleysi eldhússins, innblásinn af því hvernig klípa af salti opnar skilningarvitin og gerir þau móttækilegri fyrir bragðdýptinni. Saltblár er skynáminning um að líta hvern dag í nýju ljósi,“ segir Chad Reis.

Í forystu þegar kemur að notkun lita í hönnun

Saltblár er sá sjötti í röð KitchenAid lita ársins. KitchenAid hefur verið í forystu fyrir mætti litarins sem drifkrafti til sköpunar frá því að fyrirtækið tilkynnti fyrstu hrærivélalitina árið 1955. Í dag velur vörumerkið lit ársins í takt við strauma og stefnumótun á heimsmælikvarða og sem hvatningu til þess að fanga augnablikið í núinu og veita sköpurum heimsins innblástur.

Ástríða í yfir hundrað ár

Allt frá því að fyrsta hrærivélin kom á markað árið 1919 og fyrsta uppþvottavélin árið 1949, hefur KitchenAid byggt upp ríka arfleifð heimilistækja sem eru hönnuð fyrir fólk sem hefur ástríðu fyrir eldamennsku. Í dag er hægt að fá nánast öll helstu tæki fyrir nútímaeldhús, allt frá hrærivélinni góðu til kæliskápa.