Lífið

Anna Ei­ríks selur ein­býli með heilsu­rækt

Svava Marín Óskarsdóttir skrifar
Anna Eiríksdóttir segir að húsið sé fallegt og vel skipulagt.
Anna Eiríksdóttir segir að húsið sé fallegt og vel skipulagt.

Líkamsræktar- og heilsufrömuðurinn Anna Eiríksdóttir hefur sett glæsilegt einbýlishús sitt við Fannafold í Grafarvogi á sölu. Húsið er 275 fermetrar að stærð og var byggt árið 1984. Ásett verð fyrir eignina er 174 milljónir.

„Fallega og einstaklega vel skipulagða húsið okkar komið á sölu! Æðislegt hús með frábæru útsýni í góðu hverfi og fullkomið fyrir þá sem eru með stóra fjölskyldu og vantar mörg herbergi Auðvitað stórt gym sem ég hef notað sem stúdíó, lokaður garður með palli og heitum potti,“ skrifar Anna um húsið í færslu á Facebook.

Húsið er vel skipulagt á fjölskylduvænum stað í Grafarvogi.Miklaborg

Á efri hæð hússins er stórt og opið alrými sem samanstendur af stofu, borðstofu og eldhúsi, með útsýni yfir Reykjavík og Snæfellsnes. Í eldhúsinu má sjá fallega hvíta innréttingum með góðu skápaplássi og tvöföldum ísskáp. 

Á neðri hæðinni er opið og bjart rými sem nýst hefur sem heilsurækt. Þaðan er útgengt í afgirtan garð sem snýr í suðvestur með heitum potti.

Samtals eru sex svefnherbergi, þar af hjónasvíta með fataherbergi, og tvö baðherbergi. Baðherbergið á neðri hæð hússins er nýlega endurnýjað á smekklegan máta með marmaraflísum, dökkri innréttingu, walk in sturtu og innfelldri lýsingu.

Nánari upplýsingar má finna á fasteignavef Vísis.

Alrýmið er opið, bjart og huggulega innréttað.Miklaborg
Í eldhúsi er hvít sérsmíðuð innrétting með góðu vinnuplássi. Miklaborg
Úr alrýminu er gengið niður í opið rými sem nýtist sem heilsurækt eða sjónvarpsrými.Miklaborg
Úr borðstofunni er útsýni yfir Reykjavík og Snæfellsnes.Miklaborg
Baðherbergið á neðri hæð hússins er nýlega endurnýjað.Miklaborg
Fasteignamarkaður Hús og heimili


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.