Ellefu fjall­göngu­menn fórust þegar eld­fjall á Súmötru fór að gjósa

Fjallið er vinsælt til fjallgöngu og um 75 fjallagarpar voru á svæðinu þegar gosið hófst. Flestum tókst að komast niður af fjallinu en tólf er þó enn saknað til viðbótar við þá ellefu sem þegar hafa fundist látnir.

Leit hefur verið frestað um tíma vegna aðstæðna.

Marapi, sem er eitt af 127 virkum eldfjöllum í Indónesíu fór að gjósa í gær og mældist strókurinn frá gosinu um þrír kílómetrar á hæð. Þremur var bjargað í grennd við gíginn og voru þau mjög máttfarin og með brunasár víða að sögn björgunarsveita.

Fólki hefur nú verið bannað að koma að gígnum í þriggja kílómetra radíus. Marapi fjall er 2891 meter á hæð og er á eyjunni Súmötru.