Hoppaði eins og Ronaldo til að fagna snertimarki

Buffalo liðið var lengi í gang og kom engum stigum á töfluna í fyrsta leikhluta. Stefon Diggs skoraði svo fyrsta snertimark þeirra undir lok annars leikhluta. Þrátt fyrir að vera enn fjórum stigum undir á þeim tímapunkti fagnaði leikmaðurinn af mikilli ákefð. 

Þar sem þessi leikur fer fram á knattspyrnuleikvangi þótti honum viðeigandi að fagna líkt og stórstjarnan Cristiano Ronaldo hefur gert í mörg ár. Leiknum lauk með 25-20 sigri Jacksonville Jaguars

Stefon Diggs er leikmaður sem hefur vakið mikla athygli, bæði fyrir góða  spilamennsku og annars konar athafnir inni á vellinum. 

Leikurinn er hluti af árlegri kynningarferð NFL deildarinnar um Evrópu. Þetta var annar leikurinn af þremur sem fer fram í Lundúnum, síðast mættust Atlanta Falcons og Jacksonville Jaguars á Wembley, næsta sunnudag mætast svo Baltimore Ravens og Tennesse Titans á Tottenham Hotspur leikvanginum.