Dusty hafði betur í toppbaráttunni og sigurgangan heldur áfram Snorri Már Vagnsson skrifar 3. október 2023 22:15 NOCCO Dusty er enn með fullt hús stiga í Ljósleiðaradeildinni í Counter-Strike eftir nokkuð öruggan sigur gegn ÍA í toppslag deildarinnar í kvöld. Leikurinn fór fram á Ancient. Spilað var í CS2, breyttri útgáfu af CS:GO, en nú er leikurinn ögn bjartari og lítur öðruvísi út, svo spurning var um það hvernig lið myndu mæta til leiks. NOCCO Dusty hóf leikinn betur og tók fyrstu þrjár loturnar í sókn. Dusty-menn voru duglegir að brjóta niður varnir ÍA og komu sprengjunni niður aftur og aftur og ÍA hafði ekki mörg svör við því. ÍA sigraði eina lotu en Dusty hélt svo uppteknum hætti og tóku aðrar þrjár lotur, staðan þá 1-6. Sóknarþungi Dusty virtist of mikill framan af leik, en þeir voru fljótir að fella óvini til að finna glufur í vörn ÍA og planta sprengjunni snemma í lotunum. Eftir plöntun virtist uppskriftin þeirra vera að fella ÍA-menn í einvígum og planið virkaði vel. Í hálfleik höfðu ÍA-menn aðeins unnið fjórar lotur og höfðu stórt verk að vinna í seinni hálfleik. Staðan í hálfleik: 4-11 Leikmenn ÍA komu sér í sóknarskóna í seinni hálfleik og þurftu að hefja hann vel til að halda sér í leiknum. Dusty tók þó skammbyssulotuna ásamt næstu tveimur og staðan þá orðin 4-14. ÍA náði að sigra þrjár lotur í sókninni en skaðinn virtist vera orðinn of mikill og Dusty tók sannfærandi sigur gegn liðinu sem fylgdi þeim á stigatöflunni fyrir umferð. Lokatölur: 7-16 ÍA mönnum tókst því ekki að stöðva sigurgöngu Dusty, sem situr enn ósigrað á toppi deildarinnar. ÍA gæti nú verið í mikilli hættu á að missa nokkur sæti þar sem fjögur önnur lið eru jöfn þeim á stigum og vilja eflaust ólm vinna sig upp töfluna. Rafíþróttir Ljósleiðaradeildin Dusty ÍA Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Unglingur myrtur eftir deilu á frjálsíþróttamóti Sport Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Hvar er Davíð? „Fólk að henda dramatískum sögum í gang um illindi“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn „Hann þarf að breyta þessu og ég er búinn að tala við hann inni í klefa“ Körfubolti Skoruðu þrjú af fjórum mörkum leiksins en töpuðu samt Íslenski boltinn Elín Klara markadrottningin í ár en gaf líka flestar stoðsendingar Handbolti
Leikurinn fór fram á Ancient. Spilað var í CS2, breyttri útgáfu af CS:GO, en nú er leikurinn ögn bjartari og lítur öðruvísi út, svo spurning var um það hvernig lið myndu mæta til leiks. NOCCO Dusty hóf leikinn betur og tók fyrstu þrjár loturnar í sókn. Dusty-menn voru duglegir að brjóta niður varnir ÍA og komu sprengjunni niður aftur og aftur og ÍA hafði ekki mörg svör við því. ÍA sigraði eina lotu en Dusty hélt svo uppteknum hætti og tóku aðrar þrjár lotur, staðan þá 1-6. Sóknarþungi Dusty virtist of mikill framan af leik, en þeir voru fljótir að fella óvini til að finna glufur í vörn ÍA og planta sprengjunni snemma í lotunum. Eftir plöntun virtist uppskriftin þeirra vera að fella ÍA-menn í einvígum og planið virkaði vel. Í hálfleik höfðu ÍA-menn aðeins unnið fjórar lotur og höfðu stórt verk að vinna í seinni hálfleik. Staðan í hálfleik: 4-11 Leikmenn ÍA komu sér í sóknarskóna í seinni hálfleik og þurftu að hefja hann vel til að halda sér í leiknum. Dusty tók þó skammbyssulotuna ásamt næstu tveimur og staðan þá orðin 4-14. ÍA náði að sigra þrjár lotur í sókninni en skaðinn virtist vera orðinn of mikill og Dusty tók sannfærandi sigur gegn liðinu sem fylgdi þeim á stigatöflunni fyrir umferð. Lokatölur: 7-16 ÍA mönnum tókst því ekki að stöðva sigurgöngu Dusty, sem situr enn ósigrað á toppi deildarinnar. ÍA gæti nú verið í mikilli hættu á að missa nokkur sæti þar sem fjögur önnur lið eru jöfn þeim á stigum og vilja eflaust ólm vinna sig upp töfluna.
Rafíþróttir Ljósleiðaradeildin Dusty ÍA Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Unglingur myrtur eftir deilu á frjálsíþróttamóti Sport Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Hvar er Davíð? „Fólk að henda dramatískum sögum í gang um illindi“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn „Hann þarf að breyta þessu og ég er búinn að tala við hann inni í klefa“ Körfubolti Skoruðu þrjú af fjórum mörkum leiksins en töpuðu samt Íslenski boltinn Elín Klara markadrottningin í ár en gaf líka flestar stoðsendingar Handbolti