Heimsókn í skóla: Svipað merkileg heimsókn og þegar Michael Jackson mætti

Hjörtur Leó Guðjónsson skrifar 29. mars 2023 18:16

Síðasta viðureign átta liða úrslita Framhaldsskólaleika Rafíþróttasamtaka Íslands, eða FRÍS, fór fram síðastliðinn miðvikudag þar sem Menntaskólinn á Tröllaskaga og Tækniskólinn áttust við. Eins og síðustu ár tók Eva Margrét Guðnadóttir púlsinn á nemendum skólanna fyrir viðureignina.

Eva skellti sér í Tækniskólann þar sem hún líkti heimsókn sinni við það þegar poppstjarnan Michael Jackson kom þangað fyrir rúmum þrjátíu árum.

Á milli þess sem Eva söng lög með Bríeti og úr kvikmyndinni High Scool Musical ræddi hún einnig við keppendur í liðsmenn Tækniskólans sem taka þátt í FRÍS.

Tækniskólinn, sem hefur fagnað sigri á Framhaldsskólaleikunum undanfarin tvö ár, vann að lokum sigur gegn Menntaskólanum á Tröllaskaga síðastliðinn miðvikudag og er því á leið í undanúrslit. Heimsókn Evu í skólann má sjá í spilaranum hér fyrir neðan.

Klippa: Heimsókn í skóla: Svipað merkileg heimsókn og þegar Michael Jackson mætti

Framhaldsskólaleikarnir halda svo áfram í kvöld þegar Fjölbrautaskólinn í Garðabæ og Fjölbrautaskóli Vesturlands á Akranesi mætast í fyrri undanúrslitaviðureign mótsins. Viðureignin verður í beinni útsendingu á Stöð 2 eSport og hér á Vísi, en bein útsending hefst klukkan 19:30.

Rafíþróttir Framhaldsskólaleikarnir