Heimsókn í skóla: Menntaskólinn á Ásbrú er líklega kaldasti staður landsins

Hjörtur Leó Guðjónsson skrifar 15. mars 2023 17:46

Eva Margrét Guðnadóttir heimsótti Menntaskólann á Ásbrú.

Önnur viðureign átta liða úrslita Framhaldsskólaleik Rafíþróttasamtaka Íslands, eða FRÍS, fór fram síðastliðinn miðvikudag þar sem MÁ og FG áttust við. Eins og síðustu ár tók Eva Margrét Guðnadóttir púlsinn á nemendum skólanna fyrir viðureignina.

Eva skellti sér fyrst í Menntaskólann á Ásbrú þar sem hún var alveg viss um að hún væri komin á kaldasta stað á Íslandi.

Á milli þess sem Eva spókaði sig fyrir framan „Green-Screen“ og forðaðist kuldann ræddi hún einnig við liðsmenn Menntaskólans á Ásbrú sem kepptu fyrir hönd skólans í FRÍS.

MÁ þurfti þó að lokum að sætta sig við tap gegn FG síðastliðinn miðvikudag og skólinn er því úr leik. Heimsókn Evu í MÁ má sjá í spilaranum hér fyrir neðan.

Klippa: Heimsókn í skóla: Menntaskólinn á Ásbrú er líklega kaldasti staður landsins

Framhaldsskólaleikarnir halda svo áfram í kvöld þegar Fjölbrautaskólinn við Ármúla og Fjölbrautaskóli Suðurlands eigast við í átta liða úrslitum í beinni útsendingu á Stöð 2 eSport og hér á Vísi. Bein útsending hefst klukkan 19:30.

Rafíþróttir Framhaldsskólaleikarnir