Hvetur stráka til að hugsa vel um útlitið

Dóra Júlía Agnarsdóttir skrifar 11. mars 2023 17:01

Tónlistarmaðurinn Patrik er mættur á Íslenska listann á FM. Helgi Ómarsson

Tónlistarmaðurinn Patrik var að senda frá sér sitt fyrsta lag, Prettyboytjokkó, fyrir rúmri viku síðan en lagið er komið í fjórtánda sæti Íslenska listans á FM. Blaðamaður tók púlsinn á honum og fékk að heyra nánar frá laginu.

„Viðtökurnar hafa verið mjög góðar og farið fram úr vonum,“ segir Patrik, sem var með útgáfupartý á skemmtistaðnum Auto um síðustu helgi.

„Það hefur alltaf blundað í mér að gefa út lag. Síðasta sumar fór ég upp í stúdíó með vinum mínum og ég hef verið með þráhyggju fyrir stúdíóinu síðan þá.“

Patrik segir meiri tónlist væntanlega frá sér.Helgi Ómarsson

Það er mikið um að vera hjá Patrik um þessar mundir, sem er rétt að byrja.

„Það er meira dót á leiðinni og svo er það bara að taka yfir markaðinn. Það geta allir verið prettyboytjokkós, þú þarft bara að vinna fyrir því.“

Klippa: Patrik - Prettyboytjokkó

Aðspurður um hvað hugtakið prettyboytjokkó feli í sér segir Patrik:

„Skilgreiningin er að þú þarft að lykta vel, drippa vel, vera með góða húð og mikinn hita. Ég er aðeins að vekja strákana, mér finnst strákarnir oft ekki hugsa nógu mikið um útlitið, eins og þeir horfi ekki í spegil áður en þeir fara út.

Ég vil fá strákana upp á tærnar, stelpur sjá svo vel um sig á meðan við strákarnir erum bara í gömlum strigaskóm og tíu ára gömlum buxum, ekkert að pæla. Ég er aðeins að hvetja þá til að fá þetta glow up, það þarf ekki mikið til.“

Hér er hægt að hlusta á Patrik á Spotify.

Söngvakeppnis stjarnan Diljá trónir svo á toppi Íslenska listans á FM með lagið Power, sem hún flytur fyrir Íslands hönd í Eurovision í vor. Herra Hnetusmjör og Friðrik Dór fylgja fast á eftir í öðru sæti með lagið Vinn við það.

Íslenski listinn er fluttur alla laugardaga á milli klukkan 14:00 og 16:00 á FM957.

Lög Íslenska listans:

Íslenski listinn á Spotify:

FM957 Tónlist Íslenski listinn

Tengdar fréttir

„Bæði æðislegt og súrrealískt“

Herra Hnetusmjör og Friðrik Dór tróna á toppi Íslenska listans á FM þessa vikuna með nýja smellinn Vinn við það. Söngvakeppnis stjarnan Diljá fylgir fast á eftir í öðru sæti með lagið Power, sem hún flytur á úrslitakvöldi Söngvakeppninnar í kvöld.

4. mars 2023 17:01

Saga Matthildur mætt á Íslenska listann

Idol stjarnan Saga Matthildur er mætt inn á Íslenska listann á FM957 með Idol lagið Leiðina heim. Lagið var kynnt inn sem líklegt til vinsælda í síðustu viku og er nú komið í 18. sæti listans.

25. febrúar 2023 17:00

Herra Hnetusmjör og Friðrik Dór í topp fimm

Það má með sanni segja að Herra Hnetusmjör og Friðrik Dór séu með þekktari tónlistarmönnum okkar Íslendinga en síðasta samstarfsverkefni þeirra var lagið Vinn við það. Lagið var kynnt inn sem líklegt til vinsælda á Íslenska listanum á FM957 í síðustu viku og hefur nú stokkið beint í fimmta sæti listans.

18. febrúar 2023 17:00

Sam Smith ögrar norminu og er ekki hér til að eignast vini

Sam Smith er mætt á Íslenska listann á FM með lagið sitt I’m Not Here To Make Friends. Lagið var kynnt inn sem líklegt til vinsælda í síðustu viku og situr nú í fjórtánda sæti listans.

11. febrúar 2023 17:00

Rísandi Söngvakeppnisstjarna líkleg til vinsælda á Íslenska listanum

Tónlistarkonan Diljá tekur þátt í Söngvakeppni sjónvarpsins í ár með lagið „Lifandi inní mér“ eða „Power“ eins og það heitir á ensku. Lagið var kynnt inn sem líklegt til vinsælda á Íslenska listanum á FM957 fyrr í dag og er fyrsta Söngvakeppnis lagið sem ratar á listann.

4. febrúar 2023 17:01

Miley Cyrus braut blað í sögu Spotify

Tónlistarkonan Miley Cyrus er mætt á Íslenska listann á FM með lagið sitt Flowers. Lagið var kynnt inn sem líklegt til vinsælda í síðustu viku og er nú komið í 16. sæti listans.

28. janúar 2023 17:00