Tilþrifin: Dabbehhh tekur út þrjá fyrir toppliðið

Hjörtur Leó Guðjónsson skrifar 4. nóvember 2022 11:16

Dabbehhh var einn á móti öllum þegar Þór vann Breiðablik. Vísir/Stöð 2 eSport

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það Dabbehhh í liði Þórs sem á heiðurinn af tilþrifum kvöldsins.

Þór mætti nýliðum Breiðabliks í fyrstu viðureign gærkvöldsins þegar áttundu umferð Ljósleiðaradeildarinnar lauk með þremur leikjum. Nýliðarnir höfðu unnið fjóra af sínum fyrstu sjö leikjum á tímabilinu, en Þórsarar gátu endurheimt toppsæti deildarinnar með sigri. Þórsarar höfðu að lokum betur, 16-8, og tylltu sér þar með á topp Ljósleiðaradeildarinnar á ný.

Dabbehhh sýndi einnig frábær tilþrif um miðja viðureign, en þá var staðan 10-5, Þórsurum í vil. Vopnaður aðeins skammbyssu mætti hann öllum meðlimum Breiðabliks og tókst að taka þrjá með sér áður en hann féll sjálfur.

Klippa: Elko tilþrifin: Dabbehhh takur út þrjá fyrir toppliðið

Þetta er í annað sinn á tímabilinu sem Dabbehhh á tilþrif kvöldsins í Ljósleiðaradeildinni, en hann átti einnig tilþrif kvöldsins í fyrstu umferð þegar Þór vann nauman sigur gegn SAGA.

Rafíþróttir Ljósleiðaradeildin