Mætti með yfirvaraskegg á blaðamannafund

Popp hefur verið í miklu stuði á EM en hún skoraði bæði mörk Þýskalands er það vann 2-1 sigur á Frakklandi í undanúrslitum. Hún er markahæst á mótinu með sex mörk, rétt eins og Beth Mead frá Englandi.

Eftir leikinn gegn Frökkum dreifðu þýskir netverjar af henni mynd á samfélagsmiðlum þar sem búið var að teikna á hana skegg. Fyrirsögnin sem fylgdi þeirri mynddreifingu var: „Verður í liði Hansi Flick í Katar: Alexander Bopp.“

Popp tók þátt í gríninu og mætti svo útlítandi á fundinn. Hún sagðist „vera Alexander í bili, gott að vera með ykkur.“