Miss Universe Iceland: Tekur þátt í annað sinn og lætur ekki álit annarra stoppa sig

Miss Universe Iceland keppnin verður haldin í sjöunda sinn þann 24. ágúst í Gamla bíó. Keppendur í ár eru sautján talsins og ætla lesendur Vísis að fá að kynnast stúlkunum sem keppast um titilinn betur.

Mikilvægt að standa með sjálfum sér

Hvað var það sem vakti áhuga þinn á keppninni?

Ég keppti í fyrra og mér fannst svo sjúklega gaman, ég lærði helling og fann í rauninni nýtt áhugamál. Ég ákvað því að slá til og taka þátt aftur í ár. Einnig langar mig að koma á framfæri mikilvægum málefnum og finnst mér þetta fullkominn staður til þess.

Hvað ert þú búin að læra í ferlinu?

Það að trúa og standa með sjálfum sér er svo mikilvægt. Ekki pæla í skoðunum annarra og gerðu það sem ÞÚ vilt.

Hvað borðar þú í morgunmat?

Hafragraut með eplum, próteini og hnetusmjöri.

Hver er uppáhalds maturinn þinn?

Pasta, ég elska pasta!

Hvað ertu að hlusta á?

Podcastið Þarf alltaf að vera grín er alltaf í fyrsta sæti.

Hver er uppáhalds bókin þín?

Ef ég á að segja alveg eins og er þá les ég nánast aldrei bækur.

Hver er þín fyrirmynd í lífinu? 

Mér finnst Anníe Mist Þórisdóttir, CrossFit-stjarna rosalega flott fyrirmynd. Hún sýnir manni að maður getur náð markmiðum sínum sama hvað, ef maður leggur inn vinnuna.

Stoltust af þátttöku sinni í Miss Universe Iceland

Hver er frægasta persóna sem þú hefur hitt?

Ég held að ég verði að segja Anníe Mist og Katrín Tanja CrossFit-stjörnur.

Neyðarlegasta atvik sem þú hefur lent í?

Ég reif einu sinni gallabuxurnar mínar í vinnunni alveg niður á læri. Þetta var ekkert smá gat og ég þurfti einhvernveginn að fela það þangað til að ég gat skipt um buxur.

Hverju ertu stoltust af?

Ég er sjúklega stolt af þátttöku minni í Miss Universe Iceland í fyrra og í ár. Ég er svo mikið að gera það sem mig langar að gera og ekki að láta skoðanir annarra stoppa mig.

Vil hafa jákvæð og uppbyggjandi áhrif

Hver er þinn helsti ótti?

Að missa ástvin. Það hræðir mig mikið.

Hvar sérðu þig eftir fimm ár?

Með litla fjölskyldu og íbúð að klára háskólanám. Fylgja markmiðum mínum og hafa jákvæð og uppbyggjandi áhrif á fólk í kringum mig.

Hvaða lag tekur þú í karókí?

Ég held að ég verði að segja Shallow með Lady Gaga og Bradley Cooper.