Bara gerst einu sinni og það var fyrir 5.511 dögum

Sigurinn átti eftir að skila íslenska liðinu sæti í umspili þar sem liðið tryggði sér svo sæti í úrslitakeppni EM í fyrsta sinn.

Íslenska liðið vann leikinn 1-0 þar sem að Margrét Lára Viðarsdóttir skoraði sigurmarkið níu mínútum fyrir leikslok.

Margrét Lára er ekki lengur að spila með landsliðinu en það er leikmaður í liðinu í dag sem tók þátt í þessum leik.

Sif Atladóttir spilaði nefnilega allan leikinn og náði sér meira að segja í eina gula spjald íslenska liðsins.

Ásta Árnadóttir, sjúkraþjálfari landsliðsins í dag, spilaði einnig allar níutíu mínúturnar í leiknum.

Frá þessum frábæra sigri fyrir rúmu fimmtán árum hafa þjóðirnar mæst sex sinnum og Frakkar hafa unnið alla leikina. Markatalan er 13-2 Frökkum í vil í þessum leikjum.

Þeir tveir leikmenn hafa náð að skora á móti Frökkum í þessum sex síðustu leikir er Hólmfríður Magnúsdóttir í fyrsta leiknum í úrslitakeppni EM í Finnlandi 2009 og Katrín Jónsdóttir í seinni leik þjóðanna í þessari sömu undankeppni.

Í síðustu fjórum leikjum þjóðanna hefur íslenska liðið ekki náð að skora mark.