Gestir Gumma Ben og Evu Laufeyjar í síðasta þætti af Ísskápastríði voru gleðigjafarnir, vinirnir og uppistandararnir Hjálmar Örn og Eva Ruza og óhætt er að segja að mikið stuð hafi verið í eldamennskunni þetta kvöldið.
Náttúrutalent í eldhúsinu
Þegar undirbúa átti eftirréttinn stakk Eva Ruza kokhraust og full sjálstrausts upp á því að karmelisera hnetur á pönnu og hafði Eva Laufey bullandi trú á nöfnu sinni í fyrstu.
„Já, það eru margir sem segja að ég sé náttúrutalent í eldhúsinu.“
Á meðan þær nöfnur gleymdu sér svo í spjallinu brann sykurinn hressilega við með þeim afleiðingum að rjúka fór úr pönnunni og brunakerfið í stúdíóinu fór af stað.
Hér fyrir neðan er hægt að sjá klippu úr þættinum.
Þættirnir Ísskápastríð eru sýndir á Stöð 2 á sunnudagskvöldum en alla þættina má einnig nálgast á Stöð 2+.
