Dúndur sumarpartí í ILVA og afsláttur af nýju sumarlínunni

ILVA flutti nýverið úr Korputorgi yfir í Kauptún þar sem glæsilegt sýningarsvæði tekur á móti viðskiptavinum. Arnar segir nýja svæðið gefa mikla möguleika.

„Við höfum þetta fína útisvæði með öllum garðhúsgögnunum til sýnis úti í íslenska sumrinu. Viðskiptavinum finnst frábært að geta mátað sófana og fært til stóla til að máta við mismunandi borð. Við höfum tekið eftir því að fólk er að kaupa sett og bæta svo einingum inn í það seinna sem er einmitt það frábæra við þessa sófa. Það er alltaf hægt að breyta þeim og stækka eftir á. Við hjálpum viðskiptavinum við valið og ráðleggjum um viðhald og umhirðu garðhúsgagnanna,“ segir Arnar. Húsgögnin henti íslenskum aðstæðum vel og nýja línan sé afar falleg.

„Húsgögnin hafa slegið rækilega í gegn undanfarin ár og við eigum von á að sú verði raunin í ár. Margar nýjungar eru í gangi í takt við tískustrauma og stefnur og má þar nefna SERINO settin sem eru með þessu létta og flotta bohemian útliti. Rattan grindur og ljósir púðar, þessi stíll er mjög vinsæll núna og mikið tekinn í garðskála. Allra söluhæstu vörurnar okkar eru CALVI og BORGIO sófarnir en þeir eru einingasófar sem er hægt að raða saman eftir smekk og þörfum hvers og eins. Körfustólarnir njóta líka alltaf mikilla vinsælda.

ILVA í Danmörku leggur alltaf mikla áherslu á vandaða framleiðslu og eru flestar vörurnar í sumarlínunni úr FSC vottuðum við og endurunnum efnum. Við erum afar stolt af því að geta boðið upp á svona fallegar og vandaðar vörur,“ segir Arnar.