Tónlist

Sækja innblástur í heimahagana í nýju lagi

Sylvía Rut Sigfúsdóttir skrifar
Poppdúettinn heró samanstendur af þeim Helenu Hafsteinsdóttur og Rósu Björk Ásmunds.
Poppdúettinn heró samanstendur af þeim Helenu Hafsteinsdóttur og Rósu Björk Ásmunds.

Íslenski poppdúettinn heró gefur í dag út lagið Sorry (Lofa Veit Betur). Lífið á Vísi frumsýnir hér tónlistarmyndbandið við lagið. 

Dúettinn samanstendur af þeim Helenu Hafsteinsdóttur og Rósu Björk Ásmunds en áður hefur heró gefið út lög á borð við Stay for Me og Follow Me, sem sátu í nokkrar vikur á vinsældarlista rásar tvö.

Sorry (Lofa Veit Betur) er innblásið af heimahögunum og samið á nútímalegri en ljóðrænni íslensku. Innblástur er meðal annars fenginn frá íslenskri dægurlagatónlist. Ragnar Smári Sigurþórsson annaðist upptökur á myndbandinu og Helena leikstýrði sjálf.

Klippa: heró - Sorry

Helena og Rósa eru fæddar árið 1997 og hafa þekkst frá barnsaldri. Þær sóttu báðar leiklistarskólann The American Academy of Dramatic Arts. Helena útskrifaðist úr aðsetri skólans í Los Angeles árið 2019 en Rósa frá New York ári síðar.

Þegar kórónuveirufaraldurinn skall á héldu þær heim til Íslands og hafa þær unnið saman að tónlist síðan þá.

Tónlist

Tengdar fréttir

Nokkurs konar uppgjör við unglingsárin

Helena og Rósa sendu frá sér sitt fyrsta lag á dögunum undir nafninu Heró. Lagið kallast Horfðu á mig en þær tóku upp nokkur lög saman eftir að þær þurftu að koma heim til Íslands vegna heimsfaraldursins.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.