Nýjung á Íslandi, vítamínbættar augnlinsur

Lyfja 11. apríl 2022 08:47

Clearlii vítamín daglinsurnar hjálpa til við að draga úr þurrki og ertingu í augum en linsurnar koma í vítamínbættum vökva sem inniheldur E-vítamín, B-6 og B-12 vítamín.

Clearlii vítamín daglinsur draga úr augnþreytu og þurrki og veita aukin þægindi. Clearlii vítamín linsur eru heilsuvara vikunnar á Vísi.

„Þurrkur og erting í augum geta verið þekktir fylgifiskar þess að nota augnlinsur. Clearlii vítamín daglinsurnar hjálpa til við að draga úr þessum einkennum en linsurnar koma í vítamínbættum vökva sem inniheldur E-vítamín, B-6 og B-12 vítamín. Þær innihalda einnig hyaluronicsýru sem gefur mikinn raka. Þá eru linsurnar með innbyggðri vörn gegn skaðlegum geislum sólar, UVA og UVB,“ útskýrir Margrét Dagbjört, viðskiptastjóri hjá Heilsu.

Margrét Dagbjört, viðskiptastjóri hjá Heilsu.

Sérþróaðar fyrir norrænt loftslag

Clearlii linsurnar eru þróaðar af sænskum lyfjafræðingi sérstaklega fyrir norrænt loftslag sem einkennist af miklum veðrabreytingum, vindi og kulda.

„Okkur veitir einmitt ekki af eins og veðrið er núna. Þessar linsur eru einnig frábærar fyrir fólk sem stundar útivist eins fjallgöngur og skíði, meðal annars vegna þess hve rakagefandi þær eru og innihalda sólarvörn. Augun eru viðkvæm en með linsunum náum við að vernda augnsvæðið og kollagenið í augunum. Lagið á Clearlii linsunum er einnig sérstakt en þær eru afar þunnar og mjúkar og falla því sérstaklega vel að auganu og súrefnisflæði er tryggt. Þessi hönnun eykur þægindin og upplifun notandans verður betri. Kannanir hafa sýnt að 85% þeirra sem þurfa að nota linsur geta notað Clearlii linsurnar“ segir Margrét.

Öll vörulína Clearlii er til sölu í Lyfju og er hægt að fá linsurnar í áskrift.

Fyrstu vítamínlinsurnar á Íslandi

Clearlii linsur fást bæði sem dag- og mánaðarlinsur í styrkleika frá -7.00 til +4.00. Þær fást í 850 apótekum um öll Norðurlöndin og eru mest seldu linsurnar í Svíþjóð. „Við erum hæst ánægð með að geta nú boðið upp á Clearlii linsurnar hér á landi og það á frábæru verði. Þetta er í fyrsta sinn sem vítamínbættar daglinsur eru aðgengilegar hér á landi“ segir Margrét, aðspurð hvort um nýjung sé að ræða.

Öll vörulína Clearlii er til sölu í Lyfju og er hægt að fá linsurnar í áskrift. „Áskriftin er frábær nýjung en 10% afsláttur fæst af Clearlii vítamín daglinsunum í áskrift. Þú kaupir þær í netverslun Lyfju og færð þær heimsendar mánaðarlega, eða eins og þér hentar,“ segir Margrét.

Nánar um Clearlii vítamín daglinsurnar hér.

Heilsa