Íslenska kvikmyndin Skjálfti eftir Tinnu Hrafnsdóttur, sem byggð er á metsölubók Auðar Jónsdóttur Stóra skjálfta, var frumsýnd í kvikmyndahúsum á Íslandi í gær.
Sérstök hátíðarsýning var á kvikmyndinni í Háskólabíó, þar sem leikstjóri, leikarar og aðrir aðstandendur myndarinnar fengu standandi lófaklapp eftir að myndinni lauk. Hér fyrir neðan má sjá nokkrar myndir frá hátíðarsýningunni.
Tinna Hrafnsdóttir leikstjóri og handritshöfundur myndarinnar ræddi um myndina og ferlið í kringum Skjálfta í nýjasta þættinum af Einkalífinu hér á Lífinu á Vísi. Viðtalið má sjá í heild sinni í spilaranum hér fyrir neðan.
„Við breytum ekki staðreyndum, við breytum ekki fortíðinni og við breytum ekki því sem gerðist,“ segir Tinna Hrafnssdóttir leikkona og leikstjóri.
Íslenska kvikmyndin Skjálfti var frumsýnd á kvikmyndahátíð í Tallinn í Eistlandi um helgina. Fyrstu dómar eru dottnir í hús og myndin hefur hlotið mikið lof gagnrýnenda.
Í dag er frumsýnt fyrsta sýnishornið í fullri lengd úr íslensku kvikmyndinni Skjálfta, sem erlendis verður kynnt undir nafninu Quake. Myndin verður heimsfrumsýnd síðar í mánuðinum en fer í sýningu hér á landi í janúar.
