Ljósleiðaradeildin í beinni: Þór og Vallea reyna að halda í við toppliðið

Fyrri leikur kvöldsins hefst klukkan 20:30 þegar SAGA esports og Vallea eigast við. SAGA situr í sjötta sæti deildarinnar með 12 stig, en Vallea situr í því þriðja með tíu stigum meira, sigur í kvöld tekur Vallea upp að hlið Þórs í öðru sæti deildarinnar.

Þórsarar fá svo tækifæri til að slíta sig aftur frá Vallea í seinni leik kvöldsins þegar þeir mæta Ármanni. Ármann situr í fjórða sæti deildarinnar með 14 stig, en Þórsarar geta minnkað muninn niður í tvö stig á topplið Dusty með sigri í kvöld.

Eins og áður er Ljósleiðaradeildin sýnd í beinni útsendingu á Stöð 2 eSport, sem og á Twitch-rás Rafíþróttasamtaka Íslands sem má nálgast í spilaranum hér fyrir neðan.