Körfubolti

Heimaliðið hefur ekki unnið innbyrðis leik Vals og KR í 788 daga

Óskar Ófeigur Jónsson skrifar
Lið Vals og KR hafa stundað það undanfarin ár að vinna á útivelli í innbyrðis leikjum liðanna.
Lið Vals og KR hafa stundað það undanfarin ár að vinna á útivelli í innbyrðis leikjum liðanna. Vísir/Bára Dröfn

12. desember 2019. Merkileg dagsetning hvað það varðar að það er síðasta skiptið sem heimalið fagnaði sigri þegar karlalið KR og Vals mættust á Íslandsmótinu í körfubolta.

Valsmenn taka á móti KR í Origo höllinni á Hlíðarenda í Subway deild karla í kvöld en þessi leikur átti fyrsta að fara fram milli jóla og nýárs en hefur síðan verið frestað tvisvar sinnum. Leikurinn í kvöld hefst klukkan 20.15 og verður sýndur beint á Stöð 2 Sport 4.

Það þarf að fara rúma 25 mánuði aftur í tímann til að finna heimasigur þegar þessi lið hafa mæst í deild eða úrslitakeppni á Íslandsmótinu í körfubolta.

KR er síðasta liðið til að vinna heimaleik en KR-liðið vann umræddan leik fyrir 788 dögum með ellefu stiga mun, 87-76.

Síðan þá hefur útiliðið fagna sigri í átta leikjum í röð, þremur síðustu deildarleikjum og svo öllum fimm innbyrðis leikjum liðanna í átta liða úrslitum úrslitakeppninnar í fyrra.

Valsmenn eru fimm sætum ofar í töflunni en það voru KR-ingar sem fögnuðu sigri þegar liðin mættust síðast sem var í úrslitakeppninni í fyrra.

  • Síðustu innbyrðis leikir Vals og KR í karlakörfunni:
  • 28. maí 2021: KR vann með 3 stigum á Hlíðarenda (89-86)  ÚTISIGUR
  • 26. maí 2021: Valur vann með 6 stigum í Frostaskjóli (88-82) ÚTISIGUR
  • 23. maí 2021: KR vann með 12 stigum á Hlíðarenda (115-103) ÚTISIGUR
  • 19. maí 2021: Valur vann með 1 stigi í Frostaskjóli (85-84) ÚTISIGUR
  • 16. maí 2021: KR vann með 1 stigi á Hlíðarenda (99-98) ÚTISIGUR
  • 11. mars 2021: Valur vann með 10 stigum í Frostaskjóli (87-77) ÚTISIGUR
  • 18. janúar 2021: KR vann með 9 stigum á Hlíðarenda (80-71) ÚTISIGUR
  • 12. mars 2020: KR vann með 9 stigum á Hlíðarenda (90-81) ÚTISIGUR
  • 12. desember 2019: KR vann 11 stigum í Frostjasjóli (87-76) HEIMASIGUR

Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 3.990 krónur á mánuði.

Subway-deild karla Valur KR

Mest lesið


Fleiri fréttir

Sjá meira


×

Mest lesið