Ný stikla sýnir að Kóngu­lóar­mannsins bíður ærið verk­efni

Mánuður er nú í frumsýningu myndarinnar, en það er leikarinn Tom Holland sem bregður sér aftur í hlutverk ofurhetjunnar.

Í lok síðustu myndar um Kóngulóarmanninn frá 2019, Spider-Man: Far From Home, var ofurhetjan afhjúpuð og í nýjustu myndinni, No Way Home, leitar hann á náðir Doctor Strange í túlkun Benedict Cumberbatch. 

En málin virðast svo þróast á þann veg að Kóngulóarmaðurinn mun þurfa að kljást við mikinn fjölda erkióvina sinna á sama tíma – Græna púkann, Otto Octavius, Sandmanninn, Eðluna og Electro.

Sjá má stikluna að neðan.