Körfubolti

Martin lék vel í tapi gegn Real Madrid

Runólfur Trausti Þórhallsson skrifar
Úr leiknum í dag.
Úr leiknum í dag. @valenciabasket

Martin Hermannsson átti fínan leik í liði Valencia er liðið tapaði með 11 stiga mun gegn deildarmeisturum Real Madrid í undanúrslitum spænsku úrslitakeppninnar í körfubolta. Lokatölur 81-70 heimamönnum í Real í vil.

Martin lék aðeins stundarfjórðung í dag en var samt meðal stigahæstu leikmanna Valencia í leiknum með níu stig. Þá tók hann einnig tvö fráköst og gaf eina stoðsendinga.

Frakkinn Louis Labeyrie var stigahæstur í liði Valencia í dag með 11 stig. Stigahæsti leikmaður leiksins var Fabien Causeur, einnig frá Frakklandi, með 22 stig í liði Madrídar.

Liðin mætast að nýju í Valencia á þriðjudaginn. Martin og félagar þurfa á sigri að halda ætli þeir sér ekki í sumarfrí.

Spænski körfuboltinn, ACB, er á Stöð 2 Sport en upplýsingar um útsendingar má finna hér. ACB er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Körfubolti Spænski körfuboltinn

Mest lesið


Fleiri fréttir

Sjá meira


×

Mest lesið