Argentínskur bakvörður til Hauka

Haukar koma með tvo nýja leikmenn í Domino´s deild karla í körfubolta þegar liðið mætir aftur til leiks eftir landsleikjahlé.

Haukar höfðu áður sagt frá samningi við Bandaríkjamanninn Jalen Jackson en félagið hefur einnig samið við argentínska bakvörðinn Pablo Bertone.

Bertone er þrjátíu ára argentínskur bakvörður með ítalskt vegabréf og hefur spilað í efstu deildum á Ítalíu og Argentínu sem og í LEB Oro á Spáni.

Síðast spilaði Bertone með Instituto Cordoba í Argentínu og var að skila þar 9,2 stigum, 2,4 fráköstum og 1,2 stoðsendingu í leik.