Æðiprófið vekur mikla athygli á samfélagsmiðlum

Ása Ninna Pétursdóttir skrifar 11. febrúar 2021 14:30

Sjónvarpsþátturinn Æði 2 er sýndur á Stöð 2+. Þar er fylgst með ævintýrum Patreks Jaime, Bassa Maraj og Binna Glee.

Önnur þáttaröð raunveruleikþáttana ÆÐI með samfélagsmiðlastjörnunni Patreki Jamie er nú í sýningu á Stöð 2+. Í þáttunum er fylgst með Patreki í daglegu amstri þar sem lognmollan er fjarri góðu gamni en drama og dívustælar ráða þar ríkjum.

Nýr þáttur er settur í loftið hvern fimmtudag og í dag lenti fjórði þáttur á Stöð 2+.

Svokallað Æðipróf hefur vakið mikla athygli á samfélagsmiðlum síðustu daga en þar getur þú svarað nokkrum misvísindalegum spurningum og séð hvaða persóna úr Æði þáttaröðinni þú ert. Patrekur, Binni Glee eða Bassi. Á innan við sólarhring hafa meira en sex þúsund einstaklingar tekið prófið.

Þeir sem vilja dýpka áhorfið á þáttunum geta hlustað á vikulega hlaðvarpsþætti þar sem Patrekur, Bassi og Binni fara yfir það sem gerðist bak við tjöldin við gerð þáttanna og annað sem þeim dettur í hug. Hægt er að hlusta á þriðja hlaðvarpsþátt Æði hér fyrir neðan.

Bíó og sjónvarp Æði

Tengdar fréttir

Binni Glee er hræddur við öll dýr

Í síðasta þætti af Æði á Stöð 2+ fékk Patrekur Jaime sér nýjan hund og var herbergisfélagi hans Binni Glee ekkert rosalega hrifinn.

8. febrúar 2021 14:30

Bassi bauð heim í alvöru kokteilboð

Raunveruleikastjarna Íslands, Patrekur Jaime, er farinn að stað í nýjum þáttum af Æði á Stöð 2+.

29. janúar 2021 14:30

Stóri draumurinn að eignast barn fljótlega

„Nýja árið leggst alveg súper vel í mig og ég hef ekki verið jafn spenntur fyrir neinu ári eins og ég er spenntur fyrir þessu. Það er svo mikið gott að gerast að ég get ekki beðið,“ segir raunveruleika- og samfélagsmiðlastjarnan Patrekur Jamie í samtali við Makamál.

9. janúar 2021 13:00